నువ్వు

గతాన్ని మరచి నీతో అడుగేయాలనుకున్నా
నీతోడే జీవితమని ఎన్నో కలలుకన్నా
క్షణాలే యుగాలై నీమార్పుకై వేచా
నీ మౌనం నాపై ద్వేషం కాకూడదని ప్రార్థించా
కాని నీతీరం నేకాదని ఆలస్యంగా తెలుసుకున్నా
నీ జీవితగమ్యాన్నించి వైదొలగిపోతున్నా
ఇకపై నాపయనం ఎటని వెతుకుతున్నా!

గోదారి

నీ మోము చిరునవ్వు పారే గోదారి
నైరాశ్య చీకట్లలో అది చూపెను దారి
నా భావాలన్నీ తెలిసి ఎరుగనట్లుండె సొగసరి
ఇక మౌనాన్ని వీడి కరుణిస్తావా మరి!

స్త్రీ

ఎవరు హరిస్తారు స్త్రీ స్వేచ్ఛ, స్వాతంత్ర్యం

అది కేవలం వారి ఆలోచనల, భద్రతల సంఘర్షణం

పురాణాల, చరిత్రల నేపధ్యం కాదీకాలం

ఇది అభివృద్దే అరిష్టమై కాటేసే కలికాలం